МЕРА ХХК нь 2001 онд анхлан байгуулагдсан бөгөөд тэсрэх матеирал үйлдвэрлэл, өрөмдлөг тэсэлгээний цогц ажил үйлчилгээ үзүүлэгч үндэсний 100% -ийн хөрөнгө оруулалттай инженерчлэлийн компани юм.
Бид мэргэжилтнүүдийнхээ өргөн мэдлэг, туршлага, чадвар, орчин үеийн шилдэг техник, технологидоо суурилан хэрэглэгчийн онцлогт тохирсон, нөөцийн гарцыг хамгийн их байлгах, зардлыг бууруулах, өрөмдлөг тэсэлгээний хамгийн оновчтой шийдлийг санал болгон ажилладаг бөгөөд дэлхийд тэргүүлэгчдийн үйлдвэрлэсэн өрмийн техникүүдийг ашиглан тэсэлгээний цооног өрөмдөн, 2019 оны байдлаар нийт 2500 гаруй удаагийн тэсэлгээний ажил үйлчилгээ хийж гүйцэтгэсэн туршлага бүхий анхдагч компани юм. Мөн өөрийн хөрөнгө оруулалтаар, манай улсын нөхцөлд хамгийн сайн зохицсон, олон улсад өргөн ашиглагддаг шилдэг технологиуд бүхий монгол инженерүүдийн ур ухаанаар бүтсэн тэсрэх матералын үйлдвэрүүддээ импортыг орлогч бүтээгдэхүүнүүдийг үйлдвэрлэн дотоодын зах зээлийн хэрэгцээг өндөр чанарын, үйлдвэрлэлийн тэсрэх бодис, тэсэлгээний материалаар ханган ажиллаж байгаа юм. Үүнээс гадна тэсрэх материал худалдах, импортлох, хадгалах, тээвэрлэх болон цооног түгжих материал бэлтгэх, тэсрэх бодис устгах үйлчилгээнүүдийг давхар үзүүлэн ажиллаж байна.
МЕРА компани Байгаль орчны олон улсын стандарт ISO 14001, Хөдөлмөр аюулгүй байдлын Олон улсын стандарт ISO 45001, Удирдлагын тогтолцооны Олон улсын стандарт ISO 9001 зэрэг стандартуудыг мөрдөн ажилладгаас гадна Компанийн нийгмийн хариуцлагын ISO 26000 удирдамжыг баримтлан ажилладаг хариуцлагатай бизнес эрхлэгч, тогтвортой хөгжлийг дэмжигч компани юм.
МЕРА ХХК нь Нийслэлийн
- “ШИЛДЭГ ТАТВАР ТӨЛӨГЧ”
- “ШИЛДЭГ ДОТООДЫН ХӨРӨНГӨ ОРУУЛАГЧ ЭНТРЕПРЕНЁР”
- “ИМПОРТЫГ ОРЛОГЧ БҮТЭЭГДЭХҮҮНИЙ ҮЙЛДВЭРЛЭЛИЙН ТЭРГҮҮЛЭГЧ ЭНТРЕПРЕНЁР”
- “НАЙДВАРТАЙ ТАТВАР ТӨЛӨГЧ”
- “АЮУЛГҮЙ АЖИЛЛАГААГ ХЭРЭГЖҮҮЛЭГЧ ШИЛДЭГ БАЙГУУЛЛАГА”
- “ШИЛДЭГ ТЕХНОЛОГИ, НОУ ХАУ НЭВТРҮҮЛЭГЧ ЭНТРЕПРЕНЁР”
- "ТОП-5 УУЛ УУРХАЙН КОМПАНИ 1-р БАЙР"
- “ТОП – 100 АЖ АХУЙН НЭГЖ”
- “ШИЛДЭГ ТУСЛАН ГҮЙЦЭТГЭГЧ”
- МҮХАҮТ-н “ОНЦЛОХ АЖ АХУЙН НЭГЖ”
шагналуудын эзэн болж гаргасан амжилтаа жил бүр ахиулан үйл ажиллагаагаа тэлсээр байгаа билээ.
Бид үйлдвэрлэлийн зориулалттай тэсрэх бодис үйлдвэрлэж, тэсэлгээний цооног өрөмдөх, тэсэлгээний ажил хийх, тэсрэх материал худалдах, импортлох, хадгалах, тээвэрлэх болон цоног түгжих материал бэлтгэх ажлуудыг цогцоор нь гүйцэтгэн ажилладаг.
МЕРА нь байгуулагдсан цагаасаа эхлэн эрдэс баялагын салбарт бизнесээ тасралтгүй өргөжүүлэн, уул уурхайн томоохон төслүүдэд гүйцэтгэгчээр ажиллахын зэрэгцээ олон улсын түвшний, өндөр хүчин чадал бүхий үйлдвэрүүдийг байгуулан амжилттай ажиллаж байна. Ингэхдээ бид үргэлж тогтвортой байдал, бизнесийн шудрага өрсөлдөөн, цэвэр тунгалаг байдлыг эрхэмлэн ирсэн.